保養品應該分成日、夜間嗎? 其實係唔需要嘅…. 但分成日、夜間好能係對皮膚好。有時朝早未必要用到夜晚咁保濕嘅保養品…..如果搽得太多太厚嘅嘅保養品再上妝, 可能會出現好多好似擦膠嘅粒粒。

以上係我鍾意係夜間用嘅一套保養品 🙂

STEP 1:

Shu Uemera Ultime 8 Sublime Beauty Cleansing Oil  （450ml）～£128

呢枝落眼妝油係適合敏感加成熟少少嘅肌膚用,,滴大約兩滴係手心, 輕輕係個面上打圈就OK, 連眼妝都可以一次過落埋。。佢仲可以一次過做埋洗面奶功能,, 所以用完可以唔洗再洗面。但如果想再落得乾淨啲, 都可以再用洗面奶洗面。

如果唔係太敏感嘅肌膚, 可以唔使用到呢隻Ultime 8, 用普通嘅黃色 或者 紫色樽嘅都已經OK。

Lancome Bi-Facil Eye Make-Up Remover (125 ml) ~£18

呢枝落眼妝油好好用, 適合有敏感眼睛嘅人用…帶著隱形眼鏡時都可以落妝。佢質感好溫和，仲有一啲都唔YIP眼,, 仲有連好強嘅防水防油嘅眼妝 全部都好落得好乾淨。。我已經用咗超過5年 都數唔到用過幾多枝。只要將佢滴落化妝棉度再敷係眼睛上面一陣, 就好容易抹得好乾淨。

STEP 2: Chanel Lait Douceur Cleansing Milk (150ml)

呢支粉紅色嘅洗面奶又係好適合敏感皮膚用, 眼部都可以洗… 佢質感好溫和，仲有陣陣花香,, 搽上個面度好舒服。用洗面奶嘅好處係好溫和,, 唔似洗面油可能會會太過油 出油脂粒,, 或者洗面泡泡會洗到塊面好乾。。如果吾係敏感皮膚,, 可以選擇用 藍色樽嘅,, 比呢瓶會再保濕啲。

STEP 3: Melvita Rose Floral Water Spray (200ml) ～£8

呢支花水係作保濕用途…通常保濕水係搽護膚品前或者化妝前用…令皮膚吸收啲,, 近排好多人都推介 呢支好用所以就買咗…不過除咗陣玫瑰花香味好香, 陣味一啲都唔人工化,, 但我覺得用途一般, 噴上面係好舒服, 果一刻會覺得好似好保濕 但過咗一陣,, 覺得唔似推銷講到咁好.. 所以可有可無。

STEP 4: TONER – La Roche-Posay Effaclar Clarifying Lotion (200ml) ～£31

呢支爽膚水，係比敏感但帶油性皮膚用，，有防止控油毛孔擴大同防黑頭既作用。因為鼻頭嗰啲位置好容易出油，所以用開個鼻同額頭位置就最好不過。

STEP 5: DETOXIFYING – DIOR One Essential Intense Skin Detoxifying Booster Serum (50ml) 

呢支係我其中一樣最中意嘅護膚品, 又係回購過好多支。。佢係用嚟消除毒素, 有淨化皮膚嘅功用。。仲會幫助吸收其他嘅護膚品，所以記住一定要係搽其他保養品之前用。

STEP 6: REVITALISE – Helena Rubinstein Prodigy Powercell Skinmunity Serum (30ml) ~ £90 

呢支都係其中一樣最中意嘅護膚品, 用咗都幾年回購過好多支。佢係用植物做嘅肌底液。。用咗之後幫助吸收期他嘅SERUM同 CREAM。有淨化肌膚同重生skincells 嘅作用。 用完會覺得個皮膚白咗同滑咗,, 仲有抗衰老嘅作用。真係好好用強力推介!!

STEP 7: EYE CREAM – Helena Rubinstein Prodigy Powercell Creme Yeux Reno (15ml) ~ £56.95 

呢支眼霜係適合敏感皮膚用, 有去極速消腫去眼袋嘅功效, 真係好正!! 但係黑眼圈就無咩用途。呢支眼霜個applicator係用金屬做嘅， 用來搽係眼部會有涼涼地嘅感覺, 仲可以佢用嚟按摩下好舒服。

STEP 8: SERUM

PESTLE & MORTAR Pure Hyaluronic Serum (30ml) ~ £36

呢支他透明質酸嘅serum 係我近排購入嘅。。比佢十個讚!!! 佢無色無味,, 好容易推 亦都吸收得好快,, 超級保濕仲有防止皺紋嘅功效, 真係好好用!! 價錢就比其他牌子嘅透明質酸液貴咗少少, 但係真係物有所值。十個讚!!

GREEN KERATIN HA Gel Serum (30ml) ~£12.95

呢支HA GEL 係我係AMAZON 多買嘅,, 係Organic嘅產品。。英國品牌, 應該無乜人有聽過。佢有20% 透明質酸同維他命C 嘅成份,, 好容易推, 亦都係有防皺紋等保濕嘅功效!! 維他命C係可以淡疤嘅功效 仲有增強彈性。單一支透明質酸嘅SERUM 係英國啲咁講嘅天氣用係唔夠嘅, 用埋呢支就 perfect laa!! 價錢仲好平好底用,, 用多幾滴都唔會心痛，所以十級推介!

La Mer – The Concentrate (30ml) ~£275

LA MER 呢支皇牌相信無人無聽過啦。。真心, 好好用不過真係好貴。。所以我唔會每晚都用佢。因為佢嘅質感好厚, 所以搽少少就已經夠.. 年輕嘅話係唔需要面搽, 局部地方就好易!! 應該無人吾知, 呢支SERUM係爛咗面嘅都好易醫返好, 好適合有傷口或者係做完laser 嘅時候用嘅。呢個牌子嘅護膚品係專比敏感皮膚用,, 真係爛面嘅救星.. 用完個面會好似滑到豆腐甘．．若果果排夜訓, 毛孔好大或者皮膚好乾嘅話,, 用佢就最好不過!!仲有個質感好舒服好香.. 真係值得一試!!

 

STEP 9: FACE CREAM – La Roche Posay Hydraphase Intense Light (50ml) ~£12.35 

最後就梗係要搽返一層好薄嘅潤膚膏… 揀咗呢支係因為你個牌子啲護膚品真係又平又好用,, 呢支潤膚膏好水潤好滑 又好保濕, 亦都加咗透明質酸 適合敏感乾性肌膚, 好薄咁一層搽係個面度就OK.

 

多謝大家睇我嘅分享,, 如果覺得好睇嘅就比個LIKE我 幫手 SHARE下 支持我啦 ：）