KOSE SEIKKISUI / 雪肌粹透明美肌美白面膜 – 30ml
雪肌粹呢個牌子如果唔係透過代購, 要係日本嘅7-11 先至買到。 係一盒4片裝, 售價900yen 一盒。面膜都係純棉質, 所以又係比較厚身, 而且比較大塊。
膜嘅精華液係奶白色,而且好香嘅花味, 好舒服… 佢嘅美白用途就一般, 不過保濕都總算唔錯。因為精華液比較多, 可以敷多過10分鐘都唔會覺得乾。但係因為有加到人工香料, 所以未必適合敏感皮膚人士使用。
雪肌粹面膜嘅賣點係, 標榜著 All in one = 化妝水 + 乳液 + 美容液,, 所以敷完之後可以唔洗搽番面霜, 直接將面膜留係面上剩低嘅精華液拍拍, 吸收咗就ok。
Transino Whitening Facial Mask – 20ml
塊面膜有20ml既精華液, 無色, 無味, 無香料。因為通過敏感肌膚測試, 適合敏感皮膚用。主打淡斑,美白肌膚。
面膜成份有:
傳明酸 (是一種人工合成的胺基酸): 有提亮,美白淡斑, 抑制黑色素
嘅作用。海藻糖: 有保濕, 抗衰老嘅作用。
但因為係又純棉質, 有小小厚, 加上精華液比較少同濃, 所以唔算特別貼面。敷大約十分鐘就會開始乾。不過每個星期如果連續敷2至3日,淡斑嘅作用唔錯, 好易去到黃斑, 暗瘡印等等 。
Placenta White Mask / 胎盤素美白面膜 – 25ml
每塊面膜有25ml既精華液, 無色, 無味, 無香料。面膜有placenta essence (胎盤素精華), hyaluronic acid 玻尿酸, 有美白, 緊緻肌膚嘅功效 。佢嘅size好細塊, 啱啱好, 而且可以敷埋眼。。。 如果唔夠大嘅話, 拉一拉張面膜就OK。
但因為係純棉質, 有小小厚, 所以唔算特別貼面,, 而且精華液比較濃, 所以敷大約十分鐘就會開始乾,,但效果好好,用完好亮白緊緻嘅感覺。
LULULUN PLUS – Sunny Day /瑞士向日葵面膜 – 30 ml
呢隻Lululun 面膜係由瑞士出產嘅向日葵中萃取啲精華 同 vitamin C 製造嘅， 有改善乾燥，暗淡肌膚嘅作用。。敷完之後肌膚會感覺水潤, 有彈力同光澤。
佢嘅精華好多, 所以可以敷15-20 分鐘 都總會覺得好水潤,, 而且好貼面。但係都係加香料, 如果係敏感皮膚嘅, 就最好唔好敷太耐。。
以上四隻美白面膜, 都係大概~$20 一塊 我最鍾意係LULU 因為厚少少花香, 精華液有較多, 有美白同保濕功能, 敷耐少少又得, 又貼面 好好用, 極度推薦!!四隻美白面膜, 我最鍾意係LULU 因為厚少少花香, 精華液有較多, 有美白同保濕功能, 敷耐少少又得, 又貼面 好好用, 極度推薦!!
CHICKEN & BEAR 